..::Ehli beyt sevenler üçün..::

Axirətdə nələr olacaq?

Əli_Şiəsi — Thu, 17 Feb 2011 20:08:42 GMT

İnsan Uca Allahın hər şeyi xidmətinə verdiyi ən dəyərli varlıqdır. Elə isə insan ancaq yaşayıb, əylənib, sonunda da yox olmaq üçün yaradılmamışdır. Qurani- Kərimdə buyurulmuşdur: "Məgər insan elə güman edir ki, o, başlı-başına (cəzasız) buraxılacaq?!” (Qiyamət surəsi, 36). Bu da insanın bir məqsəd üçün yaradıldığını göstərir. Yenə Qurani-Kərimin bildirdiyinə görə, "Kim (dünyada) zərrə qədər yaxşı iş görmüşdürsə, onu (onun xeyrini) görəcəkdir (mükafatını alacaqdır). Kim də zərrə qədər pis iş görmüşdürsə, onu (onun zərərini) görəcəkdir (cəzasını çəkəcəkdir).” (Zəlzələ surəsi, 7-8). Bu da insanın dünyada ikən etdiyi hər əməlinin hesabını verəcəyini təsdiq edir. İslama görə bu dünya bir imtahandır. Pis və yaxşı insanlar biri-birindən fərqləndirilib seçilməsi üçün bu dünyada imtanhandan keçirilir. Dünya həyatında sonra tam ayrı və sonsuz bir həyat başlayacaq. Axirət bu sonsuz həyatın adıdır. Hər insan doğular, böyüyər, yaxşı və ya pis bir həyat yaşayar və sonunda ölər. Dünyamız da eynən bir insan kimi ölümlüdür. Bir gün dünyanın da ömrünün sonu gələcək, bütün planet bir anda yox olacaqdır. Biz bu günə Qiyamət günü deyirik. Daha sonra Uca Allah sonsuz qüdrətiylə yeni bir aləm yaradacaq. Bu yeni aləmdə insanlar dünyadəykən etdiklərinin hesabını verib, yaxşılıq və pisliklərinin qarşılığını görəcəklər. Axirətə iman, öldükdən sonra diriləcəyimizə, dünyadaykən etdiklərimizə görə sorğu-sual ediləcəyimizə və sonunda cəzalanacaq və ya mükafatlanacağımıza inanmaqdır. Hər insan əcəli gələndə ölər. Ölüm insanın yox olması demək deyildir. Yalnız ruhun bədəndən ayrılması və sonsuz bir aləmə köçməsidir. İnsanın ölümüylə bədəndən ayrılan ruh, Axirət aləminin başlanğıcı olan qəbir həyatını yaşayar. Qəbirdə Münkər və Nəkir adında iki mələk insana bir sıra önəmli suallar verərlər. Bu sualların başlıcaları: " Rəbbin kimdir? Dinin nədir? Peyğəmbərin kimdir? Kitabın nədir?” suallarıdır. Dünyadaykən iman edib xeyir işlər görənlər bu suallara doğru cavab verərlər. İmanı tam olmayanlar isə bu suallara doğru cavab verə bilməzlər. Sevimli Peyğəmbərimiz Məhəmməd (s.a.v) qəbirdə inasanların bu fərqli hallarını belə təsdiqləməkdədir: "Qəbir hər insan üçün dünyadakı durumuna görə ya Cənnət bağçalarından bir bağça və ya Cəhənnəm çuxurlarından bir çuxurdur”. Bundan aydın olur ki, hər insan vəziyyətinə uyğun olaraq qəbir həyatı yaşayacaqdır. Qiyamətin qopma zamanı gələndə İsrafil adlı mələk Sur adı verilən bir alətə üfləyəcəkdir. Beləcə bütün Yer kürəsi alt-üst olub, bütün canlılar öləcək. İsrafilin ikinci dəfə Sura üfləməsi ilə yeni bir dünya qurulacaq və bütün ölülər diriləcək. Məhşər adı verilən böyük bir meydanda toplanacaqlar. İnsanların dünyada etdikləri hər şey bir səhifə içərisində özlərinə veriləcək. Böyük bir məhkəmə qurulacaq. İnsanlar muhakimə ediləcək. Ömrünü nə yolda bitirdiyi, elmi ilə nələr etdiyi, malını necə qazanıb hara xərclədiyi, vücudunu hansı yollara sərf etdiyi soruşulacaq. Bu məhkəmədə heç bir şeyi inkar etmək mümkün deyil. Çünki insanın əli, ayağı, gözü, qulağı hətta günah etdiyi yerləri dilə gələcək, əməllərinə şahidlik edəcək. Bir-birilərini qarşı insanların şahidliklərinə də yer veriləcək. Daha sonra insanların etdikləri xeyir və şər əməllər necə olduğunu dəqiq bilmədiyimiz bir tərəzidə ölçüləcək. Etdiyi yaxşılıqlar ağır gələnlər Cənnəti, pis əməlləri ağır gələnlər isə Cəhənnəmi qazanacaqlar. Bu tərəziyə Mizan deyilir. Bundan sonra Cəhənnəmin üzərində necə olduğunu Allahdan başqa kimsənin dəqiq bilmədiyi bir körpü qurulacaq. İnsanlar savab əməllərinə görə fərqli vəziyyətlərdə bu Sırat deyilən körpüdən keçəcəklər. Bəziləri ildırım surətilə keçib Cənnətə girəcəklər. Pis insanlar isə Sıratı keçə bilməyəcək və Cəhənnəmə yuvarlanacaqlar.

Peyğəmbərimizin Kəlamları

Əli_Şiəsi — Thu, 20 Jan 2011 21:18:19 GMT

Müqəddəs Peyğəmbər Dedi:

1) Sizin bədəninizi xəstə edən dörd şey:

Həddən artıq söhbət
b) Həddən artıq yuxusu (hərəkətsizliyi)
c) Həddən artıq yeməyi
d) Həddən artıq görüşü başqa adamlar

2) Bədəni dağıdan dörd şey:

Narahatlıq
b) Qəmi Kədər Dərdi
c) Aclığı
d)gecədə Gecə yarısına qədər yatan

3) Üzü qurulayan dörd şey və onun xoşbəxtliyini aparır:

a) Yerləşmə (Yalan)
b)nə isə elə deyili bilə-bilə) sırtıq (təkid etmək hörmətsiz / Olan
c) adekvat biliksiz Mübahisə etmək və İnformasiya.
qorxusuz) nə isə elə deyili (edən
d) Həddən artıq əxlaqsızlığı.

4) Üzün nəmliyini artıran dörd şey və onun xoşbəxtliyi:

a) Dindarlıq
b) Loyallığı
c) Alicənablığı
d) Başqalarına faydalı olmaq üçün

5) Rizq-i (Yaşayış üçün ən vacib olan) dayandıran dörd şey:

a) Yuxu (Hərəkətsizlik) səhər Fajr-dan ( günəşin doğmasına)
b) Namazı qılmaması və ya vaxtsız qılması
c) Tənbəlliyi / Avaraçılığı
d) Xəyanəti / Ləyaqətsizliyi

6) Dörd şey Rizq-i artırır:

a)Ddualar üçün gecədə oyaq qalmaq.
b) Həddən artıq Peşmançılığı
c) Müntəzəm (Düzgün) Mərhəməti
d) Zikr (Allahı yad etməsi)

Müqəddəs Peyğəmbər demişdir, Həmçinin başqalarına ünsiyyət saxlamaq üçün deyilən, hətta əgər siz Bir Ayəyə qulaq asırsınızsa və bu, ayə havadarlıq üçün məhşər günündə dayanacaq.

Müqəddəs Peyğəmbər dedi, Azan oxunan zaman ərzində hər şeyi dayandırın. Hətta Qurani Kərimi oxuduğunuz müddətdə dayanıb Azanı dinləyin. Əks halda şəxs onun ölümcül çarpayısında Kəlimeyi Şəhadəti deyə bilməyəcək....

Həzrət Əli (ə) verilən 7 sual

Əli_Şiəsi — Mon, 17 Jan 2011 19:52:04 GMT

Bir kişi Həzrət Əlinin (ə) yanına gəlib dedi: " Mən yeddiyüz fərsəx yol gəlmişəm ki, Sizdən 7 sual soruşum.”

Həzrət Əli (ə) buyurdu: "Buyur soruş”. Həmin kişi soruşdu:

1. Səmadan daha böyük olan nədir? Həzrət (ə) buyurdu: "Günahsıza yalan bağlamaq”

2. Yerdən daha böyük olan nədir? Həzrət (ə) buyurdu: " Haqq yerdən daha genişdir.”

3. Oddan daha isti olan nədir? Həzrət (ə) buyurdu: " Hərislik oddanda daha istidir.”

4. Buzdanda daha soyuq olan nədir? Həzrət (ə) buyurdu: " Paxıl adamın yanına hacət aparmaq buzdanda daha soyuqdur.”

5. Dəryadan daha ğəni olan nədir? Həzrət (ə) buyurdu: " Qane olan insan dəryadan daha ğənidir.

6. Daşdan daha möhkəm olan nədir? Həzrət (ə) buyurdu: " Kafirin ürəyi daşdan daha möhkəmdir.”

7. Yetimdən daha zəif olan nədir? Həzrət (ə) buyurdu: " Söz gəzdirən yetimdən daha zəif və daha artıq biçarədir.

Hz.Məhəmmədin 21 öyüdü

Əli_Şiəsi — Mon, 10 Jan 2011 19:16:27 GMT

Hz.Məhəmmədin 21 öyüdü

Bir gün, bir adam Peyğəmbər Əfəndimizin yanına gələrək, "Sizə dünya və axirətlə əlaqəli soruşacaq suallarım var." deyər. Bunun üzərinə Peyğəmbərimiz o kimsəyə, "Nə istəyirsənsə soruş" buyurar. Ardından o adam ilə Peyğəmbər Əfəndimiz arasında bu dialoq yaşanar:

- İnsanların ən zəngini olmaq istəyirəm.
- Qənaətkar olsan insanların ən zəngini olarsan.

- İnsanların ən xeyirlisi olmaq istəyirəm.
- İnsanların ən xeyirlisi, insanlara faydalı olandır. Sən də insanlara faydalı ol.

- İnsanların ən ədalətlisi olmaq istəyirəm.
- Özün üçün istədiyini insanlar üçün də istəsən insanların ən ədalətlisi olarsan.

- İnsanlar içində Allaha ən yaxın, Onun ən xas qullarından olmaq istəyirəm.
- Allahı çox zikr edib xatırlayar və xatırlasan o zaman Allahın ən xas qulu olarsan.

- Muhsinlerden, yaxşılıq edənlərdən olmaq istəyirəm.
- Allaha, ONU görür kimi ibadət et, hər nə qədər sən ONU görməsən də O səni görür.

- İmanımı kamala çatdırmaq istəyirəm.
- Gözəl əxlaqlı olsan imanın kamala çatar

- İnsanların ən mərhəmətlisi olmaq istəyirəm.
- Əvvəl özünə və insanlara mərhəmət et ki; Allah da sənə mərhəmət etsin.

- Qiyamət günü nur içində yatmaq istəyirəm.
- Heç kimə zülm etmə, qiyamət günü nur içində yatarsan.

- Günahlarımın azalmasını istəyirəm.
- İstiğfar edərək günahlarının bağışlanması üçün Allaha yalvarsan günahların azalar.

- İnsanların ən kərimi olmaq istəyirəm.
- Allaha qullarını şikayət etməzsənsə insanların kərimi olarsan.

- Ruzimin bol olmasını istəyirəm.
- Təmizliyə davam etsən ruzinin bol olar.

- Allah və Elçisi tərəfindən sevilmək istəyirəm.
- O zaman Allah və Rəsulunun sevdiklərini sev, sevmədiklərini də sevmə.

- Allahın mənə qızmasından özümü qorumaq istəyirəm.
- Kimsəyə qızmazsansa Allahın qəzəbindən və qızmasından xilas olarsan.

- Duamın qəbul edilməsini istəyirəm.
- Haramlardan çəkinsən duaların qəbul olar.

- Allahın məni başqalarının yanında alçaq etməməsini istəyirəm.
- Namusunu qoruyub iffətli ol ki; insanlar yanında alçaq olmayasan.

- Allahın ayıblarımı, qüsurlarımı örtməsini istəyirəm.
- Qardaşlarının ayıblarını örtsən Allah da sənin ayıblarını örtər.

- Mənim günahlarımı nə silər?
- Gözyaşların, huduun (hörmətlə Allaha qulluğun) və xəstəliklər

- Allah yanında hansı yaxşılıq daha fəzilətlidir?
- Gözəl əxlaq, bəlalara səbir və qəzaya razılıq.

- Allah yanında ən böyük günah hansıdır?
- Pis əxlaq və Allahın əmrlərinə qarşı göstərilən xəsislik

- Rəhman Allahın qəzəbini nə dindirər?
- Gizlidən gizliyə sədəqə vermək və sılasnı rəhm (qohumları ziyarət və görüb güdmək).

Islamda zarafat

Əli_Şiəsi — Sun, 09 Jan 2011 21:24:43 GMT

Yaqin ki, hər birimiz ömrümüzdə bir dəfə də olsa, xətrimizə dəyən zarfatla qarşılaşmışıq. O zaman bəlkə də o zatafatı edən adamdan incimişik də. Əslində zarafat etmək insanın fitrətindən gələn bir haldır. Bu, insanda xoş duyğular əmələ gətirir, onun həyata baxışının optimist tərzdə tənzimlənməsinə kömək edir.
Lakin bununla belə İslamda zarafat etməyin öz ədəbləri mövcuddur ki, müsəlman öz zarafatlarını bu qaydalara müvafiq tərzdə tənzimləməlidir.

Gözəl dinimiz İslam həyatımızın bütün sahələrinə sirayət etdiyi kimi, gündəlik münasibətlərimizdə qarşılaşacağımız zarafatlarımızda belə, müəyyən ölçü və ədəq qaydaları qoyub.
Gəlin, birlikdə nəzər yetirək, öyrənək görək zarafat edərkən hansı ədəb qaydalarına əməl etməliyik:

1. Zarafatlarda İslam dininə tənə gətirən, lağ edilən ton olmamalıdır.
Bilmək lazımdır ki, İslam dininin hər hansı atributunu zarafat, lağ hədəfi etmək müsəlmanı İslamdan çıxarır:
"(Ya Rəsulum!) Onlardan soruşsan: "Biz ancaq söhbət edib zarafatlaşırdıq (əylənirdik)”,- deyə cavab verərlər. De: "Allaha, Onun ayələrinə və Peyğəmbərinə istehzamı edirsiniz?!
(Əbəs yerə) üzr istəməyin. Siz iman gətirdikdən sonra (daxilinizdəki ikiüzlülüyü büruzə verməklə, Allahın əmrlərini unutmaqla) artıq kafir oldunuz.
(Quran, Tövbə, 65-66)
Allaha, Onun kəlamlarına, nişanələrinə, peyğəmbərlərinə lağ etmək, bunları zarafat hədəfinə çevirmək müsəlmanı tövbə etmədiyi təqdirdə kafir edir.

2. Zarafatda yalan olmamalıdır.
Peyğəmbər (səllallahu aleyhi və səlləm) demişdir:"Vay o kəsin halına ki, insanları güldürmək üçün yalan danışır. Vay onun halına!"
Əbu Davud

3. Zarafat edərkən insanları qorxutmaq olmaz.İbn Əbu Layla rəvayət edir ki, səhabələr bizə danışırdılar ki, bir dəfə Peyğəmbərlə (səllallahu aleyhi və səlləm) səfərdə olarkən, onlardan biri yuxuya getdikdə, digər səhabə birincinin əlində olan ipi dartdı və ikinci qorxaraq yuxudan ayıldı. Peyğəmbər (səllallahu aleyhi və səlləm) dedi:"Müsəlmana o biri müsəlmanı qorxutmağa icazə verməyin"
Əbu Davud.
Xüsusən əlində iti, kəsici alət, silah olan şəxsləri qorxutmaq daha təhlükəlidir.

4. Lağ etmək, məsxərəyə salmaq.
Aydın məsələdir ki, hər bir insan yalnız onun özünə məxsus individual xüsusiyyətlərə malikdir. Bəzən bu xüsusiyyətlər insanın digərlərindən həddən artıq fərqlənməsinə səbəb olur. Bəzi kəslər bundan istifadə edərək həmin adamı məsxərəyə qoyur, lağ və tənə edirlər. Lakin Uca Allah Qurani Kərimdə bunu qadağan edərək belə buyurur:
"Ey iman gətirənlər! Bir qövm digərini lağa qoymasın. Ola bilsin ki, onlar (lağa qoyulanlar) o birilərindən (lağa qoyanlardan Allah yanında) daha yaxşı olsunlar. Qadınlar da bir-birinə (rişxənd eləməsinlər). Bəlkə, onlar (rişxənd olunanlar) o birilərindən (rişxənd edənlərdən) daha yaxşıdırlar. Bir-birinizə tənə etməyin (ayıb tutmayın) və bir-birinizi pis ləqəblərlə (ey kafir, ey fasiq, ey münafiq və i. a.) çağırmayın. İman gətirdikdən sonra fasiq adını qazanmaq necə də pisdir. Məhz tövbə etməyənlər zalımlardır! (Özlərinə zülm edənlərdir!) "
(Quran, Hucurat, 11)
İbn Kəsir (Allah ona rəhmət eləsin) bu ayənin təfsirində belə deyir:"Bu ayədə insanlara həqarətlə baxmaq, onları alçaltmaq və tənə etmək qadağan edilir. Bütün bunlar haramdır və münafiqin xüsusiyyətlərindən hesab olunur".
Müsəlmanların bir-birinə rişxənd etməsi onların arasındakı sevgini yox edir, nəticədə isə bütün ümmət arasında parçalanma baş verir. Allah Rəsulu (səllallahu aleyhi və səlləm) buyurmuşdur:
"Müsəlman müsəlmanın qardaşıdır. O, onun xətrinə dəymir, onu köməksiz qoymur və ona həqarətlə baxmır. "Təqva bax burdadır" (o dedi və əlini 3 dəfə sinəsinə tərəf apardı). İnsan üçün öz qardaşına nifrət etmək pislik etməkdə kifayətdir. Hər bir müsəlmana o biri müsəlmanın qanı, namusu və malı haramdır"
Müslim

5. Zarafat həddində olmalıdır.
Elə insanlar var ki, onlara yumor qabiliyyəti çox yaxşı inkişaf edib. Bəzən elə olur ki, bu insanlar zarafat etdikdə həddi aşırlar. Bu müsəlmanın ciddilik kimi gözəl keyfiyyətinə ziddir. Zarafat insana ən çox o vaxt lazım olur ki, o həddindən artıq yorğundur və bir az dincəlmək, fikirlərdən azad olmaq lazımdır ki, sonra yenidən aktiv fəaliyyətə qayıda bilsin.
İmam Nəvəvi (Allah ona rəhmət etsin) demişdir:"Zarafat bütün həddləri aşaraq, daimi gülüşə səbəb olub qəlbi Allahı zikr etməkdən uzaqlaşdırır və qəddarlaşdrırsa, haram olur. Daimi zarafatlar zarafat edən kəsi insanlar arasında hörmətdən və etibardan salır. Lakin əgər zarafat dozasındadırsa və günah formasında deyilsə, onda burda heç bir haram yoxdur. Belə ki, Peyğəmbərimiz (səllallahu aleyhi və səlləm) də bəzən zaraft edərdi."

6. Zarafat edərkən həmsöhbətinin kimliyinə və xasiyyətinə diqqət etmək.
Elə insanlar var ki, onlar qarşısındakının kimliyindən - qoca yaxud cavan, alim yaxud cahil, tanış yaxud yad və s. olmasına fikir vermədən hamı ilə zarafat edir. Bununla əlaqədar olaraq, xəlifələrdən və gözəl müsəlmanlardan biri olan Ömər ibn Əbdul Əziz belə demişdir:"Zarafatda ehtiyatlı olun"
Sad ibn Vaqqas (Allah ondan razı olsun) demişdir:"Zarafatda hüdudlar qoy, belə ki, əks halda zarafat edən ona qarşı çıxan səfehin əlinə silah vermiş olur"

7. Qoy, zarafat yeməkdə duz qədər olsun.
Peyğəmbərimiz (səllallahu aleyhi və səlləm) buyurmuşdur:"Həddindən çox gülməyin, çünki bu qəlbi öldürür"
Səhih əl-Cami, 7312
Ömər ibn əl Xəttab (Allah ondan razı olsun) demişdir:"Kim ki, çox gülür, ona insanlar az hörmət edir. Kim ki, tez-tez gülür insanlar onu saymırlar. Hər bir insan ən çox etdiyi əməllə məşhurdur."

8. Zarafatda qeybət, dedi-qodu və böhtan olmamalıdır.
Qeybət və böhtan mənfi xüsusiyyətlər olmala yanaşı, qarşıdakı insanın da mənliyini alçaldır. Bütün bunlar bir yana, bu deyilən əməl böyük günahdır və tövbə etmədiyi təqdirdə müsəlmanı Cəhənnmə apara bilər. Bəzi insanlar zarafat edən zaman kiminsə haqqaında onun xoşuna gəlməyən bir söz danışırlar. Səhih Müslimdə gələn rəvayətə əsasən əgər müsəlmana onun haqqında deyilən həmin söz həqiqət olsa belə xoşuna gəlmirsə, bu qeybətdir. Yox əgər həmin söz yalandırsa, bu böhtandır və hər iki halda da belə zarafatı edən kəs böyük günah etmişdir.

9. Zarafatı yerində, müvafiq zamanda etmək lazımdır.
Zarafat edərkən müvafiq məqamı seçmək və həmin məqama uyğun lətifəni danışmaq gərəkdir. Bu halda insan həyatına xırda da olsa sevinc gətirmək, problemləri nisbətən yüngülləşdirmək mümkün olur. Yersiz zarafat isə onu edən şəxsə qarşı hörmətin və sevginin azalmasına səbəb olur.

Yaşadığımız zamanda insan münasibətlərnin get-gedə daha soyuq hal aldığını nəzərə alaraq, heç olmasa yaxınımızda olan, münasibət qurduğumuz insanların qəlbinə dəyməkdən çəkinə bilsək, bu əməlimiz Allaha xoş gedər.
Zarafatla belə olsa biri-birimizi alçaldan, təhqir edən sözlərdən Allaha sığınaq.

Evlenmek isteyelere meslehet

hurrr1990 — Thu, 06 Jan 2011 19:01:31 GMT

Ailə həyatı qurmaq istəyn gənclərə faydalı məsləhətlər və düzgün seçim qaydaları.

Əhlineyt kitabxanasi

Linki kliklə

Kəbənin örtüyü hazırlanır

Əli_Şiəsi — Tue, 09 Nov 2010 21:05:37 GMT

Qurban bayramı günündə örtük dəyişdiriləcək Kəbənin örtüyü 70 nəfərlik xüsusi bir qrup tərəfindən bir ilə, əllə toxunub. Mədinədə peyğəmbərimizin məzarının örtüyünüdə hazırlayan dərzi və nəqqaşlar qrupun işlədiyi atelyedə böyük diqqət və səssizlik hakimdir. Hələ islamiyyətdən əvvələ əsaslanan Kəbənin örtük ənənəsi əvvəllər Misir və Hindistanda toxunan örtüklə davam edib. Sonradan isə Səudiyyə hökuməti tərəfindən Məkkədəki xüsusi atelyedə hazırlatdırılıb.Əvvəlcə pambıqdan incə bir astar toxunur. Daha sonra qara rəngli, üzərində Allah ifadəsi həkk olunan naxışlı əsas örtük toxunur. Qızıl suyu ilə örtülmüş iplərlə ayetlər toxunur. Ustalar, sonrakı ilin örtüyünü toxumağa başlayır.Qızıl və gümüş ipliklərlə işlənən, qaraya boyanmış saf ipəkdən, 16 parçadan ibarət olan və təxminən 17 milyon Səudiyyə riyalına başa gələn örtüyün üzərində "La ilahə illallah Muhammədən Rəsulullah", "Allah Cəllə Cəlalühü", "Sübhanallahi və bihamdihi, suphanallah Əl Əzim Ya Hannan, ya mennân” ifadələri nəqş edilir.Qurban bayramının birinci günü sübh namazından sonra dəyişdirilməyə başlanan örtük, 16 hissəyə Kəbə-i Müəzzəməyə gətirilir. 4 hissəli şəkildə Kəbənin üzərinə çəkilir. Bunun üçün cəmi 40 dəqiqə vaxt sərf olunur. Köhnə örtük isə bir müddət muzeydə saxlandıqdan sonra Səudiyyə kralı tərəfindən ölkəyə qonaq gələn dövlət adamlarına parçalar halında hədiyyə edilir.Kəbə örtüyünün dəyişdirilməsi əsnasında Məkkədə yalnız "yerli” əhali olur. Çünki hacılar həmin vaxt Ərəfatda olmalıdır. Beləcə, Kəbə, Ərəfatdan dönən hacılar qayıdana qədər hazır vəziyyətə gətirilir.xezerxeber

BİRLİK İnformasiya Mərkəzi (www.birlik.az, www.birlik.ws)

İngiltərədə ən çox qoyulan ad Məhəmməddir

Əli_Şiəsi — Tue, 09 Nov 2010 20:16:01 GMT

"Daily Telegraph" belə yazır Qeyri-rəsmi məlumatlara görə, İngiltərədə yeni doğulan oğlan uşaqlarına ən çox qoyulan ad Məhəmməddir. Bu barədə "Daily Telegraph" qəzeti məlumat yayıb. Rəsmi statistikada isə "Oliver" adı siyahıya başçılıq edir. Qəzetin iddiasına görə, Məhəmməd adı fərqli şəkillərdə yazılıb və siyahıya da bu cür daxil edilib. Bunun üçün də Məhəmməd adı siyahıya liderlik edə bilmir. Ancaq bu adın bütün versiyaları toplanarkən Məhəmməd adının Oliveri keçdiyi ortaya çıxıb.

Xəbərə münasibət bildirən mütəxəssislər bunun İngiltərədə müsəlmanların artması ilə əlaqədar olmadığını bildiriblər. Onların sözlərinə görə, adın belə çox qoyulması müsəlmanların bu ada çox rəğbət bəsləməsindən irəli gəlir.ans

BİRLİK İnformasiya Mərkəzi (www.birlik.az, www.birlik.ws)

Nübuvvət

Əli_Şiəsi — Tue, 14 Sep 2010 20:13:57 GMT

Bidiyiniz kimi Allah-Təala bəşərin kamilliyə və səadətə çatması üçün bir çox vasitələr yaratmışdır. Lakin Allah-Təala insanların öz içlərindən onun əmr, göstəriş, qadağalarını çatdıran peyğəmbərlər seçməsi onun əsas missiyalarındandır. Bəli Allah-Təala 124000 peyğəmbər təyin etməsi bunu söyləməyə əsas verir.
Bəşərin peyğəmbərlərə ehtiyacı
Allah-Təala öz kamil qüdrəti ilə heç nəyə ehtiyacı olmadan varlıq aləmini və buradakı çeşidli məxluqatı yaratmış, onları öz saysız-hesabsız nemətləri ilə təmin etmişdir.
İnsan və hər bir yaradılan, canlı və cansız aləm ilk yaranış günündən öz həyatının sonunadək Allahın nəzarəti ilə hər biri öz nizam və düzəni ilə müəyyən bir məqsədə doğru hidayət olunur və hərəkət edir. Hər bir varlıq nümunəsi bütün mərhələlərdə Allahın yardım və inayətindən bəhrələnir.
Əgər təkcə öz yaşayışımızın müxtəlif mərhələlərini diqqətlə izləsək - yəni südəmər uşaqlıq dövrü, uşaqlıq, yeniyetmə çağı, gənclik, yetkinlik və qocalıq çağlarını nəzərdən keçirsək, öz vicdanımız Allahın bizə etdiyi yardımı yadımıza salar və ona şahidlik edər. Bu məsələyə ağıllı tərzdə yanaşaraq mühakimə yürütsək, Allahın öz yaratdığı xilqətinə hər şeydən və hər kəsdən daha mehriban və yaxın olması bizim üçün şəksiz -şübhəsiz aydınlaşar. Allah həmin rəhmət və mehribanlığına görə xilqətin məsləhətinə uyğun tədbir görür, hikmət və məsləhət olmadan heç bir şeyin xarab olmasına və məhvinə izn vermir.
İnsan Allahın yaratdığı xilqətdən (yaradılışından) biridir, insanın xoşbəxtliyi və mənafeyi onun dünya və hadisələrə gerçək gözlə baxmasını, yaxşı əməl göstərməsini, düzgün etiqada (əqidəyə), bəyənilmiş əxlaqa və yaxşı rəftara malik olmasını tələb edir. İnsan öz fitri ağlı ilə yaxşı və pisi seçərək hər şeyi öz yoluna qoya bilər.
Ancaq bilmək lazımdır ki, ağıl təklikdə bütün çətinlikləri və düyünləri aça bilməz, insanı bütövlükdə gerçəkliyi tam aydın görməyə və yaxşı əmələ yönəldə bilməz. Çünki insan cəmiyyətində müşahidə edilən bu qədər xoşagəlməz sifətlər və pis işlər məhz ağıl və şüur sahibi olan insanlardan baş verir. Deməli, ağıl nəfsin tələbi ilə öz həvayi-nəfsinə və mənfəətinə uyaraq insaniyyət duyğularını nəfsə qurban verir.
Bu və başqa səbəblərə görə Allah-Təala insanları öz nəfsinin əmrinə baş əyməyən başqa yol və vasitələrlə idarə etməli olur. İnsanları xəta və səhvlərdən çəkindirən, onları gerçək insani səadətə qovuşduran bu yol nədən ibarətdir? Bu yeganə yol peyğəmbərlik yoludur.
Peyğəmbərlər
Bizim ağılımızın dərin mühakimə və hökmünə əsasən bəşərin doğru yola yönəlməsi üçün onun üzərinə peyğəmbərlik qapısı açılmalıdır. Həmin yol doğrudan da bəşərin üzünə açılmışdır. Bir sıra insanlar Allah tərəfindən göndərilmiş, onlar vasitəsilə camaat üçün etiqad və əməli rəftar qaydaları çatdırılmışdır. Peyğəmbərlər insanları doğru yola dəvət üçün gəlmişlər. Onlar öz dəvətinin düzgünlüyünü və doğruluğunu, təbliğ etdikləri dinin gerçəkliyini xalqın anladığı bir yolla sübut etmiş, öz tərbiyyə məktəbində ləyaqətli şəxsiyyətlər yetişdirmişlər.
Peyğəmbərlər Allah tərəfindən xeyir və şər, səadət və bədbəxtlik yollarını xalqa ayırd edir, iman gətirənlərə savab müjdəsi verir, onları Allahın rəhmətinə ümidvar edir, zalımları və imandan boyun qaçıranları Allahın əzabı ilə qorxudur. İnsan isə bu yollardan hər birini qəbul etməkdə və seçməkdə ixtiyar sahibidir. Bir sözlə insan bu xeyir yolu seçib əməl etdikdə, ona imanlı şəxs deyirlər. Bizə aydın olur ki, ağılla xeyir və şəri bilməkdən əlavə insanlara Allah tərəfindən bəxş olunan və insan öz ixtiyarı ilə əldə edəcəyi iman gərəkdir ki, bu bildiklərini öz həyatında icra etsin.
Allah-Təala insanları sadə yolla dinə, imana gəlməsi və kamilliyə çatması üçün əvvəlcə vəhy yolu ilə peyğəmbərlərə öz əmrlərini çatdırır, daha sonra peyğəmbərlər öz vəzifələrinə əməl edərək insanlara təbliğ edir və pis əməllərdən çəkindirirlər.
Allah-Təala Qurani-Kərimdə buyurur: «Biz peyğəmbərləri (iman gətirənlərə) müjdə gətirən və (kafirləri) əzabla qorxudan kimi göndərdik ki, daha insanlar üçün peyğəmbərlərdən sonra Allah üçün bəhanə yeri qalmasın. Allah yenilməz qüdrət və hikmət sahibidir» (Nisa surəsi ayə 165)
Peyğəmbərə xas sifətlər
Deyilənlərin nəticəsinə görə peyğəmbərlərə xas olan aşağıdakı sifətləri ümumilləşdirmək olar:
1. Öz peyğəmbərlik vəzifəsini yerinə yetirməkdə xətadan uzaq və günahsız olur, unutqanlığa və başqa zehni xətalara yol verməzlər. Çünki peyğəmbərlər onlara vəhy olunanları düzgün qəbul etməli və səhvsiz-xətasız xalqa çatdırmalıdırlar. Belə olmasa ilahi hidayət (camaatı düz yola yönəltmək) öz hədəfinə yetişməz, ümumi hidayət qanunu etibardan düşərək insanlara təsir göstərməz.
2. Öz danışıq və rəftarında günah və yanlışlıqdan uzaq olar, çünki onda məsiyyət (günah etmə) əlaməti olarsa təbliğin təsiri olmaz. Əməli ilə sözü düz gəlməyən şəxslərə camaat qiymət verməz. İnsanın əməlini sözləri ilə ölçüb ona dəyər verərlər.
Bu iki məsələni bir ifadə ilə yekunlaşdırmaq olar: peyğəmbərlərin dini təbliğin düzgün və təsirli olması üçün o özü xəta və günahlardan pak olmalıdır.
3. Əxlaqi fəzilətlər- diyanət, iffət, şücaət və ədalət kimi sifətlər bəyənilmiş sifətlər sayılır. Hər sayaq günahdan pak olan şəxs gerçək ilahi dinə tabe olmaqla heç vaxt qeyri-əxlaqi sifətlərə bulaşmaz. Deməli, peyğəmbərlər əxlaqi fəzilət sahibi olmalıdır.
Peyğəmbərlər bəşər arasında
Tarixdən bəllidir ki, peyğəmbərlər bəşər arasından çıxaraq insanları ilahi dinə dəvət etməyə qalxmışlar. Əksər peyğəmbərlərin həyat yolu tarixi sənədlərlə aydın təsvir və təsdiq edilməmişdir. Təkcə Həzrəti-Muhəmmədin (s) həyatı gerçək sənədlə təsdiq edilib və burada qaranlıq məqamlar yoxdur. Qurani-Kərim isə yeganə təhrif olunmamış səmavi kitabdır və İslamın ali məqsədlərini bəyan edir. Bu kitabda keçmiş peyğəmbərlərin dəvəti açıqlanır, onların hədəf və məqsədi diqqətə çatdırılır. Qalan dini kitabların hamısı təhrif edilmişdir.
Qurani-Kərimdə deyilir ki, Allah tərəfindən insanlara doğru çoxlu peyğəmbərlər gəlmiş, onlar isə «birlik» sözü ilə bəşəri haqq din olan təkallahlıq dininə, yəni tovhidə dəvət etmişlər.
Qurani-Kərimdə buyurulur: «(Ya Muhəmməd) Səndən əvvəl elə bir peyğəmbər göndərmədik ki, ona «Allahdan başqa heç bir tanrı yoxdur. Buna görə də yalnız Mənə ibadət edin»- deyə vəhy etmədik (deyilməsin)». (Ənbiya surəsi ayə 25)
Şəriət sahibi olan peyğəmbərlər
Qurani- Kərim eyni zamanda bəyan edir ki, bütün peyğəmbərlər kitaba və şəriətə malik olmamışlar. Allah-Təala Qurani-Kərimdə belə buyurur: «(Ya Peyğəmbər) Allah «Dini qoruyub saxlayın, ona düzgün riayət edin, dində ayrılığa düşməyin»- deyə Nuha tövsiyə etdiyini, sənə vəhy buyurduğunu, İbrahimə (ə), Musaya (ə) və İsaya (ə) tövsiyə etdiyini dində sizin üçün qanuni (şəriətə uyğun) etdi. Sənin dəvət etdiyin (təkallahlıq dini) müşriklərə ağır gəldi. Allah istədiyi kimsəni özünə (peyğəmbər) seçər və tövbə edib Ona doğru qayıdan kəsi də doqru yola yönəldər». (Şura surəsi ayə 18)
Peyğəmbərlər arasında beş nəfər böyuk peyğəmbər sayılır ki, onlar şəriət sahibidir:
1. Həzrəti Nuh (ə)
2. Həzrəti İbrahim (ə)
3. Həzrəti Musa (ə)
4. Həzrəti İsa (ə)
5. Həzrəti Muhəmməd (s).
Hər bir peyğəmbərin şəriəti özündən əvvəlki peyğəmbərin şəriətini tamamlayır.
Allahın göndərilmişləri isə beş deyil, belə ki, hər ümmət üçün peyğəmbər göndərilmişdir. Allah-Təala bəşər üçün çoxlu peyğəmbərlər göndərmişdir ki, Quranda onlardan 25 nəfərin adı çəkilir.
Allah-Təala Qurani Kərimdə buyurur: «Hər ümmətin bir peyğəmbəri vardır. Onlara peyğəmbər gəldiyi zaman aralarında ədalətlə hökm olunar və onlara zülm edilməz» (Yunis surəsi ayə 47).
Hər peyğəmbərdən sonra gələnlər xalqı peyğəmbərlərin şəriətinə dəvət etmiş və peyğəmbərlərin göndərilməsi Həzrəti Muhəmmədə (s) qədər davam etmişdir. Nəhayət, Allah-Təala sonuncu peyğəmbər Həzrəti Muhəmmədi (s) göndərməklə bu məsələni xətm etmişdir. Allah bununla sonuncu ən mükəmməl səmavi kitabı və kamil dini qanun-qaydaları Yer üzərində insanları doğru yola yönəltmək üçün göndərdi. Bu din, bu kitab və bu şəriət qiyamətə qədər həmişə canlı qalacaqdır.

mənbə İSLAM-AZERİ.AZ

" target="_blank">paylash.net

ABŞ-da Quranı çırdılar

Əli_Şiəsi — Mon, 13 Sep 2010 19:59:51 GMT

Bir qrup mühafizəkar amerikalı 11 sentyabr haisələrinin ildönümü münasibəti ilə aksiya keçiribÖtən gün 2001-ci ildə ABŞ-da baş verən 11 sentyabr terror hadisələrinin növbəti ildönümü qeyd edilib. Dünya floridalı rahib Terri Consun anma mərasimində Qurami Kərimi yandırmaq planından daşınması ilə rahat nəfəs alsa da, bu uzun çəkməyib. Belə ki, Nyu-Yorkda buna bənzər başqa aksiyalar keçirilib. Paytaxt Vaşinqtonda İslam dininə qarşı etiraz aksiyası keçirən bir qrup mühafizəkar xristian Ağ evin qarşısına toplaşaraq Quranı çırıb. Qatı mühafizəkarlardan biri "İslam sülh dinidir, axmaqlıqları bitirməlidir" dedikdən sonra, digər aksiya iştirakçısı müqəddəs kitabın bir necə səhifəsini çıraraq plastik torbaya qoyub. Kitabın çırılan vərəqlərini yandırmamasını isə Ağ evin qarşısında nə isə yandırmağın ağır cinayət hesab edilməsi ilə bağlayıb.
Bir necə polis aksiyanı izləsədə heç bir müdaxilə etməyib.
Tennesi ştatında isə Bob Old adlı rahib köməkçisi ilə birlikdə Qurani Kərimi yandırıb.
Qeyd edək ki, 11 sentyabr hadisələrinin ildönümündə Quranı yandırmaq planını floridalı rahib Terri Cons açıqlamışdı. Lakin terror hadisələrinin ildönümünə bir necə gün qalmış ciddi tənqidlərlə qarşılaşan rahib bu planından dönüb. Aksiyasından imtina edən rahib Amerikanın "NBC" telekanalına açıqlamasında "Tanrının bizə dayan dediyini hiss edirəm. Biz nə bu gün, nədə bundan sonra Quranı yandırmayacağıq", deyə bildirmişdi.ans